Tag: 股市

有利建築一隻成立咗幾十年嘅建築股，當然啦揼石仔非我杯茶，佢哋賺錢已經好叻叻豬。 但是深入的睇清楚佢哋嘅年報或者通告你會見到「有利」有一項資產其實際價值遠超過帳目上所標示的價值，如果用今時今日嘅價賣出呢個項目保守估計資產淨值多10億元。即係每股多$2.2 上環Holiday inn Express 業主正是「有利」，香港物業近來交易頻繁有價有市； 例如； 中環晉逸好萊塢精品酒店全幢易手 如果以每房6百萬計，我們的酒店房間274，即係16億。除稅及手續費之後大約賺10億。 當然大股東唔肯賣作為小股東都冇符，但是翻查紀錄2007年金融海嘯之前「有利」以高價賣出銅鑼灣Holiday inn 酒店，之後2009年又買了上環蘇杭街物業改建成今日的holiday inn express, 所以有前科紀錄的 ，而且我亦問過管理層他們的答覆「好價有可能賣的（阿媽係女人😬）」。以一般地產股0.5 book計算加上賣酒店所得$2現金合理估值應該係$3.5（$1.5+$2）。 集團早前因鉛水事件股價下跌至$1正是我入市良機。（利申已持貨）

人人都講勿忘初衷我梗係都要講下啦！ 我作為一個專注於特別情況的價值投資者，當日睇到通告；「2014年三月公司根據收購守則3.7出通告表示大股東與一名獨立第三者商討有可能導致控股權轉讓」 心裏想，^_^哎呀可能走雞希望佢賣唔成啦咁我咪有機會囉^_^ SOCAM復牌之後股價由＄7升上＄10當刻嘅資產淨值＄13左右，咁我梗係唔會追貨啦！ 雖然冇追到貨，但係開始做功課都冇壞。 發現 1）2011年瑞安建業 大股東羅康瑞以每股作價$12向其他股東收購最多5400萬股，收購價較提購前的市場價高24%，動用資金6.48億；（今天收市價計呢次收購帳面輸5.4億） 2）之後2013年宣布資產變現計劃； 呢啲資訊對一個專注於特別情況的價值投資者相當吸引。 結果大家都知道同年七月份公司宣佈大股東股權轉讓不成。 通告 之後瑞安建業先後賣出多項資產；例如北京合作項目、瑞安建業在內地嘅建築公司賣給瑞安房地產、2015年分別賣走上海浦東四季酒店及與法國拉法基合作的水泥廠，所以大股東決定賣資產又或者賣走瑞安建業決心毋庸置疑。 2015年中瑞安建業發出盈利預警之後股價大概在＄7以下徘徊，當時嘅資產淨值＄12，我的貪念來了（現在回想當時嘅情況及反省，當時買入瑞安建業最高回報率不夠100%，$12+$1shell, 只適宜投入投資總額的10至20%）但那時$6.5至＄7我投入咗50%😂。 就係咁帶來了之後兩年的積極維權活動了。 下一篇- 維權·